مصــــر قصدى " قمـــــــــر" كانت بتحلم ب بيت بالطوب الاحمر والاسمنت كانت بتقول على ولادها انهم كفها كل واحد صباع( ذكرى – جبر – ضاحى – بكر – ياسين ) حلمها متحققش اصل الايد القصيره اوى ... سفرتهم يشتغلوا عشان يرجعولها محملين الطوب الاحمر ويبنوا البيت بس محصلش كل واحد اتلهى فنفسه وشغلة الكبير شايف نفسه الكبير هواللى حمال هو اللى تعب وشقى هو اللى ضحى واتعذب بس الكف فيه خمس صوابع مش صابع واحد كانت دايما تقولهم الصوت الواحد ميتسمعش , لازم صوتكم يبقى واحد عشان يأمر كان كل واحد يروحلها لوحده تقوله امشى متجيش من غير اخواتك الله عليكى يا مصـــر قصدى يا قمر قمر التعب عل عليها والغرغرينا وصل لكفها ولازم يتقطع طلبت تشوف ولادها قبل متموت الكبير عرف انه لو رجع من غير بقيته مش هترضى دور عليهم ولاقاهم بس متلاقوش , المر فالحلق والغضب ماليه قمــــــــر صرخت غتونى يا ولادى رجعولها وبنولها البيت بالطوب الاحمر والاسمنت بس خلاص كانت ماتت كانت لازم قمر تموت عشان ولادها يتجمعوا عشان يعرفوا انهم عزوة وقوة وان كل واحد فيهم ميعيشيش من غير التانى وبنوا البيت ياترى احنا امتى هنبنى بيتنا مين لازم يموت عشان مصــــــــــر تتبنى