الرئيسيةesraaاليوميةمكتبة الصورس .و .جبحـثقائمة الاعضاءالمجموعاتدخولالتسجيل

شاطر | 
 

 العبث بدخل مصر هو قضيه امن عام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سلمى الزناتى



تعليق : 44
تعليق : 65
تعليق : 17/09/2009

مُساهمةموضوع: العبث بدخل مصر هو قضيه امن عام   السبت 17 أكتوبر - 4:28



نداء الى رئيس مصر وقائدها سيادة الرئيس محمد حسنى مبارك

يستهدف رئيس جامعة عين شمس وسيادة وزير التعليم العالى اعضاء هيئة التدريس و معاونيهم العاملين بالخارج للعودة الى الوطن ويخيروهم بين العوده او الرفد وليس الاستقاله. ٤٠٠ مدرس من خير عقول انجبتها مصر اوائل الثانوية العامه على الجمهوريه و اوائل كلية الطب بعين شمس مهدديين بالرفد وخسارة جميع مستحاقتهم الماليه و المعنويه. ان عودة هؤلاء الاساتذه هو خساره جسيمه للدخل القومى ... هذه الدوله التى لم يعطها الله بترول ولكن اعطاها عقول وادمغه... ان فقدان هذا الدخل يعرض امن مصر القومى للخطر وان تحويلات العاملين بالخارج هى سند مصر بعد دخل قناة السويس ... عودة هؤلاء الاساتذه لن يفيد مصر بشىء وارددها لن يفيد مصر بشىء لان مشكلة التعليم والبحث العلمى بمصر ليس من اساببها تواجد المصريين بالخارج. الاسباب معروفه واولها ميزانية البحث العلمى و عدم وجود المعامل و حشر الطلبه فى مدرجات لاتسعهم و ضعف الدخل للاستاذ الجامعى والتدخل الامنى وتدخل المحظوره و و و و و ... ليس من اسباب التاخر تواجد الاساتذه بالخارج ... ويكذب الوزير ويقول ان الاقسام محتاجه وهو يعلم ان هناك مدرسين فوق الاربعين ويدخلون سكاشن وليسال رئيس جامعة عين شمس الذى عينوا 30 طالب من دفعته حتى يعينوه فى الجامعه هؤلاء ال30 يكفوا لادارة قسم لمدة 30 سنه لقدام ... والان ماذا سيختار ال 400 ضحيه ومنهم علماء بالخارج ... فى الحالتين سيخسر هذا الشعب المسكين الدخل ... سواء رجعوا لينضموا للطابور او تركوا بلادهم واستقروا فى الخارج ... الوزير اكد انه لاحاجة لتحويلات العاملين فهل يصلح ان يكون وزيرا من يفكر بهذا المستوى والذى يتلاعب بدخل مصر هل يصلح ان يكون وزيرا من يسعى لتحطيم مستقبل زملائه وتدميرهم هل يصلح ان يكون وزيرا والكارثه ان سيادة الوزير سافر ١٤ سنه لفرنسا ولما رجع مصر بيحرم اللى عمله هو شخصيا ويقول ده القانون ... طب القانون يوافق ان وزير يشتغل بارت تيم فى جامعة خاصه )سنجور( ويحضر نصف سنويا اجتماع مجلس الجامعه بفرنسا ... الى السيد قائد ورئيس الجمهوريه نشكوا لك هذا الظلم والاستهتار بمستقبل المدرسين بجامعة عين شمس ولن تاخذنا رحمه بالوزير او رئيس الجامعه لانهم ارادوا تشريدنا ورفدنا

ما هو دخل مصر من العاملين بالخارج

الشعب المصرى 75 مليون لو قولنا ان متوسط كل اسرة 5 افراد هيبقى عندنا 15 مليون اسرة مصرية وعشان مش ابقى مبالغ هنقول ان نصف ال15 مليون اسرة يعنى 7,5 مليون اسرة لها واحد من كل اسرة مغترب يعنى فى 7,5 مليون مصرى مغترب هنقول ان كل مصرى مغترب بيوقر مبلغ 1000 جنيه فى الشهر يعنى 12000 جنيه فى السنة الفلوس دى بتدخل مصر والله والله ده اقل تقدير وانا متاكد بس برضه خلينا نحسبها بالحد الادنى يبقى 12000 فى 7.5 مليون مغترب يساوى جمد قلبك من المفاجاة ال جاية دى 90 مليار جنيه يعنى احنا ال بنصرف على البلد كل واحد مغترب شايل اهله بطريقة مباشرة وشايل شوية غلابة على اقارب بطريق غير مباشر كمان ال7,5 مليون مصرى دول مريحين الحكومة من عبئهم يعنى لو موجودين مش متغربين على الاقل كل يوم الصبح عايزين 7,5 مليون رغيف مدعم غير المياه والصرف الصحى وغير وغير ومع ذلك المغتربين بتتعامل اسوء معاملة فى المطارات والموانىء وللتجارة فى ارواحهم زى ممدوح اسماعيل وبيفتشوا امتعتنا زى ميكون مهربين وكل ده علشان يعرفوا ياكلو وياكلوا اهاليهم فى مصر.



قصة زميل ليه هاجر من الكويت على استراليا بعد ما رئيس الجامعه رفض مد اجازته ومحدش رضى يقف جنبه وان شاء الله حيكون زى د.مجدى يعقوب قولولى مين اللى خسر?


ولدت فى اسرة فقيره اب مريض لا يعمل وام تعمل على عربة كشرى. لم يمهلنى القدر واصبحت يتيما انا واخوتى وانا فى الرابعة من العمربفقد ابى. حاربت امى الظروف وكانت تعمل 15 ساعه او اكثر وبالرغم اصابتها بالمرض كانت تعمل وتعمل حتى توفر 40 - 70 جنيه فى الشهر ناكل ونشرب وندرس و ندفع ايجار الحجره الصغيره التى تجمعنا نحن الاربعه. عندما جاء ترتيبى الخامس على محافظة القاهرة فى الابتدائيه بكت نعم بكت كثيرا كانت تقول لى اريدك دكتور و مدرس بالجامعه ... وتحقق الحلم مدرس بكلية الطب عين شمس لم ياخذ درس فى حياته لم يكن له واسطه غير دعاء والدته المريضه ... جاءت الفرصه لهذا الشاب للعمل بالخارج ... بالخليج فى كلية محترمه ... سافر مثلما سافر زملائه بعد ان فقدوا الامل فى بلدهم لا مرتب محترم لا امل فى الزواج لا امل فى شقه لا امل فى عياده ... كيف اساعد امى كيف اساعد اخوتى فى زواجهم ... الخليج كانت الاجابه واضحه ... تركت بلدى حبيبتى تركت اصدقائى تركت امى تركت اخوتى لغربه مره وعمل ليل نهار لاساعد امى واخوتى وايوه علشان الحلم الكبير يكون عندى شقه واتجوز ايوه اتجوز... دعيت ربى اذا تحققت هذه الاحلام سارجع لن استمر عبد فى الدوله العربيه الى الابد ... ١٥ الف جنيه فى الشهر مرتب الدكتور اليتيم ... مرتب سنه من مرتبى فى مصر ... من هذا المرتب تخلصت من البدروم وجبت لامى ولاخوتى شقه صغيره... وفى السنه الاخرى استطعت تجهيز اخوتى ... فى السنه الثالثه يبقى عملية امى و شقتى ... لم يمهلنا القدر فجاء الوزير و رئيس جامعة عين شمس ليتامروا ضد المدرسين العاملين بالخارج و يرفضوا مد اجازتهم وانا منهم ... ياتفضل عبد طول عمرك يا امه تفضل شحات ... هذا هو الاختيار الذى وضعنا الوزير ورئيس الجامعه ... الوزير الذى فعل مايحرمه الان علينا ... نعلم ان الوزير لن يحس بالفقير ولن يحس بمشكلاتنا ... لكن وسائل الاعلام تستطيع ان تتبنى مشكلاتنا ... ما نصيحتكم لى?




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
العبث بدخل مصر هو قضيه امن عام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: قسم الحوارات السياسيه الساخنه-
انتقل الى: