هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
ماهو التسويق المباشر او التسويق الشبكى؟ Uuuuuu11الرئيسيةesraaأحدث الصوردخولالتسجيلماهو التسويق المباشر او التسويق الشبكى؟ Untitl12ماهو التسويق المباشر او التسويق الشبكى؟ Unoooo11ماهو التسويق المباشر او التسويق الشبكى؟ Untitl13

 

 ماهو التسويق المباشر او التسويق الشبكى؟

اذهب الى الأسفل 
3 مشترك
كاتب الموضوعرسالة
esraa153
المدير العام
المدير العام
esraa153


تعليق : 141
تعليق : 307
تعليق : 11/09/2009
تعليق : 38

ماهو التسويق المباشر او التسويق الشبكى؟ Empty
مُساهمةموضوع: ماهو التسويق المباشر او التسويق الشبكى؟   ماهو التسويق المباشر او التسويق الشبكى؟ I_icon_minitimeالثلاثاء 15 سبتمبر - 3:52



لسلام عليكم ورحمة الله وبركاته
انا عامل الموضوع دا مش علشان اعمل دعايا لشركة معينة ولا غيره
الموضوع كله اني لقيت الناس كلها تقريبا مش فاهمة التسويق المباشر او التسويق الشبكي صح وفيه ناس كتير اتنصب عليها من خلال اسم التسويق المباشراو التسويق الشبكي او فيه ناس فاكرينه مندوبي مبيعات والمشكلة انهم مش عاوزين يسمعوا ايه الحقيقة وليهم هم وقعوا مع الشركات دي وليه الشركات دي قفلت بإختصار مش عاوزين نستفيد من اخطأنا وأول متكلم حد ويعرف ان الموضوع موضوع تسويق مباشر يقولك لا شكرا مش عاوز انا اتلدعت قبل كدة او يقولك انتم عاوزين مندوبي مبيعات و لهو عرف الشركة دي بتبيع ايه ولا نظامها ايه ولا اساسا في الاساس هو عرف ايه هو التسويق المباشر علشان يقدر يختار شركة صح .
اسف للمقدمة الطويلة لكن انا حبيت اقول اللي شفته من ناس كتير وندخل في الموضوع:
1- مقدمة عن التسويق المباشر في العالم:
يا جماعة التسويق المباشر دا مبدأ موجود من زمان جدا من حوالي خمسين سنة تقريبا لكن انتشر جدا في العشر سنين الاخيرة بسبب انتشار الكمبيوتر لان في التسويق دا بيبقى فيه شبكات خاصة بكل عضو وبتكبر بصورة ضخمة بيصعب معاها تتبعها او حسابها يدويا وطبعا الكمبيوتر حل المشكلة دي . التسويق الشبكي منتشر في دول كتير جدا زي امريكا واليابان وتايوان والصين وغيرها. بس طبعا كل بلد وكل شركة بتاخد الفكرة وتشكلها على حسب مزاجها وكل واحد يختار اللي يناسبه . والاحصائيات العالمية بتقول ان 25% من مليونيرات العالم من اللي بيعملوا في التسويق الشبكي ودا مش كلامي دي احصائيات.
لكن الصين بالتحديد الموضوع دا منتشر فيها بفظاعة علشان كدة الصين بقت الصين اللي كل العالم بيعملها حساب النهاردة.

2- فكرة التسويق المباشر او التسويق الشبكي:
الموضوع كله قائم على دراسات عملها متخصصين في التسويق وتتبعوا سلوك المنتج والمستهلك وقدروا يطلعوا بالنتائج دي ومنها خرجوا بنظام التسويق المباشر دا .
في الاول كان اللي بيحصل ان الشركة بتعمل دعايا كبيرة وضخمة عن منتجاتها في كل مكان ودا كان فعلا بيجيب ارباح ضخمة لكن وفجأة بدأ المعدل دل يقل قوي طبعا الناس مسكتتش قعدوا يدرسوا وجدوا ان مع مرور الوقت حصل وعي عند المستهلك واصبح يدرك ان الممثل ولا الموديل اللي بيعمل الاعلان دا قابض مبلغ علشان يطلع يقول الكلمتين دول لهو جرب المنتج ولا الخدمة ومن هنا فقد الموضوع مصداقيته علشان كدة تراجعت نسبة الارباح.
ودي كانت اول نقطة .
الحاجة التانية لما درسوا سلوك المنتج والمستهلك في السوق وجودوا ان المستهلك هو نفسه بيعمل دعايا للمنتج بدون مبيشعر بس دا مبيجيش من فراغ طب يعني ايه الكلام دا تعالوا ناخد مثال علشان نوضح الامور اكتر::
مفيش مرة حد شاف معاك موبايل ساعة قميص اي حاجة او العكس انت اللي شفت مع حد حاجة وعجبتك وسألته انت جايبها منين او مميزاتها ايه وهو قالك دا انا جايبها من المكان الفولاني .. .....؟؟؟!!!!
اعتقد ان كلنا بنعمل كدة واحنا مش واخدين بالنا احنا كدة بنعمل دعايا للمنتج بدون مبنشعر وفي نفس الوقت مبنخدش اي فلوس من الشركة عمولة على كدة دي اول حاجة الحاجة التانية هو انا ليه رحت اشتريت وانا مطمن لان فيه مصداقية في نقل المعلومة من الشخص دا لانه فعلا جرب الحاجة او المنتج وبالتالي بينقلي خبرته العملية عن المنتج دا مش احنا بنقول " إسأل طب كويس قويمجرب ولا تسألش دكتور"
- تاني خاصية اساسية من خصائص التسويق المباشر هي الانتشار الشفهي طب بردة يعني ايه الكلام دا تعالوا بردة ناخد مثال صغير عن الكلام دا :
فيه اي حد مننا شاف او سمع عن اعلا ن عن محل كشري او فول وطعمية او كباب وكفتة من المحلات المشهورة جدا دلوقت وحتى غير المشهورة احنا ساعات بنلاقي محل في مكان مش معروف في اخر الدنيا بس ابقى الحق بقى صح ...
طب ايه اللي حصل الراجل دا اتعرف ازاي كل اللي حصل ان الراجل دا حاجته كويسة او خدمته كويسة ونحط خط هنا علشان مننساهاش
فواحد راح اكل هناك عجبه طعم الاكل راح قايل لصاحبه وقرايبه وهكذا اسم المحل اتعرف وكبر والراجل معملش اي حاجة ولا دعايا .
ومن هنا تكمن قوة وخطورة الانتشار الشفهي و المصداقية في التسويق
زي ماهو حاصل دلوقت لو فيه مليون واحد قعدوا يقولوا دا التسويق دا جامد واحنا عملنا وكلام كتير وجه 10 بس قالوا احنا اتنصب علينا تلاقي الدنيا كلها عرفت في ثواني .... ياريت نفكر في كل كلمة مش نقراها وخلاص ونحلل الكلام ونفهمه كويس.
انا طبعا عارف اني طولت عليكم بس معلش استحملوني انا بحاول اقدم معلومات وخبرة انا اكتسبتها من السوق ومن تجارب ومن الدنيا ومن ناس كتير جدا ...
وطبعا من الدراسات والملاحظات دي كلها طلع الخبراء بنظام التسويق المباشر .
وكل اللي تم بدل ما المنتج كان بيطلع من المصنع للوكيل وبعدين لتاجر الجملة الرئيسي وبعدين تاجر جملة اصغر...... وهكذا لحد التجزئة منه الى المستهلك
وطبعا لو عرفنا سعر التلكفة الحقيقى الخارج من المصنع والسعر اللي احنا بنشتري بيه هنكتشف انه فيه فرق كبير جدا غالبا بيبقى حوالي 50 الى 60% من السعر النهائي للمستهلك بمعنى لو احنا بنشتري حاجة ب 1 جنيه تكلفتها + ربح المصنع حوالي 40 الى 50 قرش
تخليلوا انتم بقى الفرق .
اللي بيحصل في التسويق المباشر اننا بنبيع المنتج من المصنع للمستهلك مباشرة ( وعلشان كدة مش كل المنتجات تنفع) وبنفس السعر... فيه ناس تستغرب طب ما هو لسة الفرق موجود هقوله اه ماهو من هنا الفلوس اللي بتدفع للناس بتيجي يعني الشركة مبتدفعش حاجة من جيبها والا تبقى بتخسر وتقفل
كل اللي حصل الشركة بتبيع بنفس السعر للمستهلك والفرق بيبقى في الشركة ولما المستهلك دا يقول مجرد يقول يعني يعمل دعايا شفاهية اللي هو واحنا كلنا بنعملها واحنا مش واخدين بالنا لاصحابه ومعارفه على المنتج او الخدمة بعد ما يجربها ويستخدمها ويثق فيها والناس دي تروح الشركة وتشتري المنتج الشركة بتديله حوافز من الفلوس اللي كانت هي اصلا شايلها يعني مش من مكسبها ولا من جيبها ودي حاجة مهمة جدا بردة لان لو الشركة دفعت من جبها تبقى نصابة وهتقفل قريب قوي انشاء الله..
طب ايه اللي بيفرق كل شركة تسويق مباشر عن الاخرى :
في الحقيقة هما حاجتين مهمين جدا :
اولا: المنتج ( بمعنى مدى اهمية المنتج هل هومطلوب ولا لا الناس محتاجاة ليه بديل في السوق ولا لا ولو ليه مدى المنافسة مع السوق الخارجي ايه ولا لا يعني من الاخر هيتباع ولا لا)
ثانيا: نظام توزيع الحوافز بتاع كل شركة ومدى قوته وسرعة صرف الحوافز
وكدة انا تقريبا الحمدلله خلصت شرح التسويق المباشر تقريبا
فاضل حاجة واحدة اننا نتكلم عن الشركات اللي نعرفها واستخدمته ونطبق عليها الكلام دا ونشوف هل هي فعلا كانت مستوفية الشروط دي ولا لا وطبعا لو ما كانتش مستوفياها يبقى محدش يلوم إلا نفسه لانه محاولش يفهم ويعرف الصح فين ::
فمثلا بيزناس الشركة دي من ضمن الشركات اللي سوقت سمعة التسويق المباشر
لو حد فيكم يعرفها الشركة دي كانت بتعمل مواقع انترنت بغض النظر عن باقي تفاصيلها
لو شفنا المنتج اولا سعره كان غالي جدا جدا بالنسبة للموجود في السوق خارج الشركة ومش كل الناس كانت محتاجة لحاجة زي كدة دي اول حاجة تاني حاجة ان نظام توزيع الحوافز كان مش قوي كان بيشترط شيء معين علشان تاخد فلوسك وغالبا الشركات اللي بتعمل كدة بتبقى نصابة عاوزة تحتفظ بالفلوس اكبر فترة ممكنة
طب امال الشركة دي ازاي باعت كل الكم دا الشركة كل اللي عملته انها كانت من اوائل الشركات اللي نزلت مصر واستغلت اسم التسويق المباشر فكانت فرصتها حلوة ان الناس مش فاهمة دي حاجة الحاجة التانية
هي كانت بتسوق الفكرة مش المنتج بمعنى ان الناس كلها تقريبا كانت داخلة علشان الفلوس مش علشان محتاجة المنتج ودا مش صح
طبعا انا ممكن ادخل علشان الفلوس ومكنش محتاج المنتج لكن لازم اكون زكي وافكر كويس هل المنتج دا مطلوب وهيتباع ولا لا لانه لو مش مطلوب يبقى الشركة مش هتبيع يبقى هتقفل واخر حاجة انها كانت بتبيع الهوا ولا اي حاجة موقع ...
انا دلوقت تقريبا خلصت وياريت اكون قدرت افيد الناس وانا في الخدمة لاي مزيد من الاستفسارات


شارك ولو بكلمه شكر
الرجوع الى أعلى الصفحة اذهب الى الأسفل
ahmad mohamed sabry




تعليق : 1
تعليق : 1
تعليق : 21/09/2009

ماهو التسويق المباشر او التسويق الشبكى؟ Empty
مُساهمةموضوع: رد: ماهو التسويق المباشر او التسويق الشبكى؟   ماهو التسويق المباشر او التسويق الشبكى؟ I_icon_minitimeالخميس 24 سبتمبر - 13:34

طب انا عايز اسأل سؤال دلوقتى لو اشتغلت فى التشويق المباشر او الشبكى هيكون اية المطلوب من فية بالظبط
الرجوع الى أعلى الصفحة اذهب الى الأسفل
esraa153
المدير العام
المدير العام
esraa153


تعليق : 141
تعليق : 307
تعليق : 11/09/2009
تعليق : 38

ماهو التسويق المباشر او التسويق الشبكى؟ Empty
مُساهمةموضوع: رد: ماهو التسويق المباشر او التسويق الشبكى؟   ماهو التسويق المباشر او التسويق الشبكى؟ I_icon_minitimeالخميس 24 سبتمبر - 13:56

المطلوب اسهل مما تتخيل وهو دعوة اربع اشخاص للانضمام للشركة اللى انت بتشتغل طرفها وبعد انضمام الاربع افراد تبداء عمليه التكوين الشبكى او الهرمى لانك هتاخد عموله على الاربع اشخاص دول طيب لنفرض انه كل واحد من الاربعه مطلوب منه يجيب اربعه زى ماحصل معاك يعنى اربعه فى اربعه ب16 فرد وانت بردو هتاخد العموله كامله على ال16 فرد ونفس العمليه تتكرر ال16 مطلوب من كل واحد فيهم يجيب اربع اعضاء وعمولتك محفوظه لاخر الشبكه وبالطريقه دى الانتشار بيكون سريع ولو لاحظت انت مجهودك وتعبك اللى هو مش تعب كان فى دعوة اربع افراد بس من اصدقائك او من اقاربك او من النت او اى وسيله اخرى المهم اتيت باربع اشخاص طموحين ارادو ان ينجحو طيب انت كده خلاص مهمتك فى طريق النجاح وقفت ومش هتعمل الا انك تتابع الشبكة وتاخد ارباحك لا طبعا ممكن تعمل شبكة تانيه وكده يبقى عندك اكتر من شبه ده بيديلك فرص كتير انك تكون احد المهمين والاداريين طبعا بالاضافه لحاجات تانى كتير يعنى مثلا الشركة بتعمل محاضرات مجانيه للاعضاء فى التنمية البشريه وغيرها كتير طيب كمان ممكن تدخل دورة اعداد المحاضرين فى الشركة ودى مجانا طبعا لاعضاء الشركة وتبقى محاضر فى الشركة ودى قصه تانيه مرتب والتزام وخبرة وعالم تانى بس وسط ده ماتنساش الشبكات او الشبكة بتاعتك تابعها شوف الهرم بتاعك بقى اد ايه وبقى عندك كام عضو فى شبكت اللى اساسها افتكر تانى اربع افراد ودلوقتى تفتكر اربع افراد تدعوهم للعمل بالشركة قصدى للنجاح صعب ياراجل ده مندوب المبيعات اللى بيلف فى الشارع بيدعى الاف واللى بيعمل اعلان على النت بيدعى ملايين واللى بكلم اهله وقرايبه واصاحبه بيدعى مئات تخيل سهوله العمليه اد ايه لا لا لا مش سهله ماتفتكرش انها سهله علشان قولتلك اربع اشخاص يعنى انت ممكن تقولى ياعم دانا لو طلعت موبايلى هطلع منه على الاقل 20 او 30 فرد مش جاى تقولى اربعه لا ياحبيبى احنا مش عاوزين اى اربعه احنا عاوزين اربعه يكونى طموحين زيك يكونو لبقين يكونى صادقين فى طلبهم للنجاح علشان يقدرو يجيبو همه كمان اربعه علشان يقدرو يتعلمو علشان يقدرو يستفيدو من مزايا الشركة وعلى فكرة الاحصائيات اثبتت انه 25%من اثرياء العالم كونو ثرواتهم من التسويق المباشر يعنى انا مش بكلمك فى وهم طيب بلاش انت اكتب على جوجل التسويق المباشر هتعرف انه موجود من 50 سنه يعنى احنا متأخرين جدا استخدمته امريكا واليبان والصين وعشان كده الصين بقت الصين اللى كلنا عارفنها وبنعملها الف حساب تخيل انه الشركة اللى انت بتشتغل فيها اخدت شهرة الصين وبدون اعلانات تلفزيون وبدون مجلات وجرائد يبقى ده جه منين اكيد التسويق المباشر بس بطريقه غير مباشرة يعنى انت مش بتعرف انك بتسوق لشركة معينه لانك مش بتاخد اجر وخلى بالك انت مش مندوب عن الشركة ولا مندوب مبيعات انت فقط متحدث شاطر ومش بتقنع حد اللى بيحاول يقتنع او يفكر رافض النجاح اصلا تبعد عنه لانه مش عارف ومش عايز يعرف انه ادام فرصه ياترى دلوقتى انت عارف انك ادام فرصه ؟
الرجوع الى أعلى الصفحة اذهب الى الأسفل
monaliza1980




تعليق : 2
تعليق : 0
تعليق : 27/01/2010

ماهو التسويق المباشر او التسويق الشبكى؟ Empty
مُساهمةموضوع: رد: ماهو التسويق المباشر او التسويق الشبكى؟   ماهو التسويق المباشر او التسويق الشبكى؟ I_icon_minitimeالأربعاء 27 يناير - 6:57

اشكرك ع المعلومات القيمة واعتقد ان حضرتك تتحدث عن شركة DMG
وانا نفسى اشترك فيها لانى اشعر بمصاقيتها
برجاء الرد للاهمية
الرجوع الى أعلى الصفحة اذهب الى الأسفل
 
ماهو التسويق المباشر او التسويق الشبكى؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى عالم المال والاعمال :: قسم التسويق الشبكى network marketink dlsussion-
انتقل الى: