الرئيسيةesraaاليوميةمكتبة الصورس .و .جبحـثقائمة الاعضاءالمجموعاتدخولالتسجيل

شاطر | 
 

 أعشق نفسى.............

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هنا



تعليق : 30
تعليق : 79
تعليق : 04/12/2010
تعليق : 26

مُساهمةموضوع: أعشق نفسى.............   الأربعاء 16 مارس - 19:18

اعشـــق نفســى........


بصوا احنا متفقين ان تكبير الدماغ طبعا لايعنى الاستهتار فى مسئوليات البيت والاطفال

لكن...........

فى ستات همها الاول والاخير بيتها وراحه جوزها واطفالها ودى هايله لكن طالع عينها ومفيش تقدير من حد

فى ستات مفيش فى دماغها حد ولا بتربى ولا غيره ودى حرام عليها تتجوز من اصله تقعد فى بيت ابوها اكرم لها

وفى ستات مع التيار شويه زهق وشويه روقان وشويه ضحك وشويه عكننه ودى بتكون تايهه شويه ومش عارفه تريح نفسها

طيب الحل ايه؟؟؟

اقولكم الحل اييييييييه

طبعا كله بيشوف بنات البلاد التانيه العربيه مهتمين بنفسهم قد ايه ودلع وروشنه ولبس مع ان مستوى جمالهم عادى جدا

وده لان اولوياتهم نفسهم

كونى رقم واحد فى حياتك

فى اهتماماتك

من تثق فى نفسها جديره بثقه الجميع واولهم جوزها

بلاش تنكدى على نفسك كل شويه لو جالك الضغط ولا السكر ولا الحاجات التانيه عفانا الله هتلاقى حد معاكى؟؟

لا طبعا لوحدك هتتألمى لوحدك هتعانى لوحدك ويمكن تلاقى نظرات شفقه كمان وطبعا جوزك شايف مصلحته ولافى دماغه حد

افتكرى دايما انك عايشه عشان ترضى ربك وتسعدى نفسك وبسسسسس

ليه انتى مش بتلاقى اهتمام من الى حواليكى زى ماانتى بتحاولى تهتمى بيهم ليه بتموتى نفسك عشان تسعديهم وهما لاء

هو انتى مش بشر برضه بالعكس دى المراه اكثر احساس ومشاعر واقل كلمه ترضيها لكن حتى الكلمه مبتلاقيهاش

بصى..خلى قصادك عنيكى كلمات مهمه ومتنسهاش

- الى بيحبنى وبيعاملنى حلو وبيهتم بيا ههتهم بيه والى انا مش فى دماغه هو كمان ميهزنيش
- على قد ماهتقدملى هقدملك بلاش حكايه انتى تعطى اكتر مش جمعيه خيريه انتى
- حبى ميخسرنيش كرامتى يعنى الى بيسكتوا على الاهانات عشان بيحبوا كده بترخصى نفسك الحب اساسه الاحتراام
- ههتم بنفسى عشان بحب اكون جميله وروشه وعايقه وميهمنيش حد يقولى ايه القمر ده او ميقولش لانى عارفه انى قمر وواثقه من روحى
- الحب الحقيقى هو لله وبس الى فى الجواز والخطوبه اعجاب وموده ورحمه واحترام وثقه واخلاص ودى اساسيات الزواج الناجح مش الحب
- مش هاجى على اعصابى تانى لان العصبيه هتكرمش جلدى وهتضعف صحتى وفى الاخر ممكن ملاقيش كلمه معلششششش وانا الخسرانه لوحدى

- اكون ذكيه فى تعاملى بلاش عناد والند بالند واعرف امتى اكون اسكت وامتى اعاتب وامتى اقول لا ستوب عندك لان الراجل طفل ودماغه اخر معيله

- متبعديش عن ربنا دى نصيحه اخويه متتركيش صلاتك وياريت سوره البقره يوميا فى بيتك صباحا او على الاقل كل تلات ايام

- دايما حسسى نفسك انك اكتر ست شاطره فى كل شىء وقوليها لنفسك بثقه لان ثقتك هينعكس عليكى وعلى الى يعرفوكى وهيصدقوكى حتى لو انتى نص نص وشطارتك مش اوى

- لو حد نقدك فى اى حاجه مترديش بتعصب لاء ابتسمى برقه وقوليه احترم رايك جدا وشكرا ليك انتى كده خرجتى من الموقف بسرعه وحولتى الموقف لصالحك لان لوقعدتى تفهمى وتقولى مفيش فايده


- خلى دايما فى حياتك لمسه خاصه بيكى ومحدش يعرف يعملها غيرك انتى عشان كده ليكى شخصيتك المستقله

- واخيرا مش معنى كده اننا نهمل اطفالنا وازواجنا لاءءءءءء طبعا مقولناش كده بس برضه قولنا نهتم بنفسنا ونحب نفسنا

لو عرفتى تحبى نفسك هتلاقى الدنيا ربيع والجو بديع ومش هتشتكى من هموم ولا عصبيه ولا مشاكل وخليكى بسيطه فى مواجهه حياتك

لاننا باختصاااااااااااار ضيووووووف على الدنيا وهنمشى مش معقول وانتى فى مكان هتقعدى فيه شويه وماشيه يبقى تقعدى تنكدى على روحك وحياتك

فكرى صح لان مفيش حاجه تستااااااااهل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
Admin


تعليق : 87
تعليق : 212
تعليق : 10/09/2009

مُساهمةموضوع: رد: أعشق نفسى.............   الخميس 17 مارس - 21:42

بارك الله فيكى ياست البنات موضوووووووووووووووووووع رااااااااااااااااااااااااائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://es-eg.yoo7.com
 
أعشق نفسى.............
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العلمى والادبى :: قسم التنمية البشريه وتطوير الذات-
انتقل الى: